"Информациятық Time" жобасы

№157 Б.Пәрімбетов атындағы орта мектебінде 2023 жылы 13 сәуір күні мектеп кітапханасында "Информациятық Time" жобасы аясында "Алаш  қозғалысына -105ж" толуына орай алаш зиялыларының шығармаларын насихаттау мақсатында қазақ тілі мен әдебиеті пәні мұғалімі  М.Өсербаева мен мектеп кітапханашысы А.Әйменованың ұйымдастыруымен   "Бақытсыз Жамал" атты Міржақып Дулатұлының романын  
10"Б"сынып оқушыларымен  талдады. 
   "Бақытсыз Жамал" - Міржақып Дулатұлының 1910 жылы жарық көрген, қазақ әдебиетіндегі прозалық үлгіде жазылған роман. Романның идеялық мазмұны - ескі әдет-ғұрыптың тұтқыны болған қазақ қызы Жамалдың тағдыры, сүйгеніне қосылып, бақытты өмір сүруді армандаған бойжеткеннің трагедиялық жолы.
  Жамал мен Ғалидың мөлдір махаббаты, өз еркіндіктеріне жету жолындағы ұмтылысы соңында трагедиямен аяқталады. Ғашықтар трагедиясын автор қазақ даласындағы әлеуметтік мәселе дәрежесінде көтереді. Сол арқылы қазақ қыздарының бас еркі, жастардың өз қалауымен өмір сүру қажеттігі туралы ой ұсынады.
"Бақытсыз Жамал" романы сол кездегі тарихи әлеуметтік шындықты шынайы да көркем бейнелеуімен, авторлық идеяның айқындылығымен өзінен кейінгі қазақ прозасының өркендеуіне дәстүрлі жол көрсетті, үлгі болды.